عمك زُعلك عايز يشبك
بنت بنوت اسمها طنطيطة
وأمها رافضة عشان متجوز
قاموا قالولها ده عضو المجلس
لو ترفضي راح تبقي عبيطة
................
عمك زُعلك كان في المجلس
كل وظيفته إنه يروح يجلس
قاعد دورة وراها التانية
عمر لسانة في مرة ما ينبس
...............
قبل الشبكة كده بكام ليلة
عملتله طنطيطة هوليله
ليه في التَلفَزيون ما تجيشي
زي ما شوفنا الحاج دغيشي ؟
...............
عمك زُعلك راح ع المجلس
لزما حتما لازم أتربس
وهقول لأه وهعمل زيطة
عشان طنطيطة تكون مبسوطة
...............
ولما اتنفخ البيه المتهيّأ
كله كان بـ (الأه) متهيّأ
لكن زُعلك قام قال لأه
بس المخرج قطع اللقطة
وأهو زُعلك بعد ما راح يشبك
ولا منه اتمتع بالشبكة
ولا شاف حتى الدورة التالتة