يفتخر إنــّـــه يخـيْــن ×× قال ذا عصـــــر الخيانة

قلت حسبي عالخـيَـنْ .... والوفـي ما يوم خان

  ضاع حبرك يالتريمي بين أوراق الزمان

××××××

ماتوقعتـــه يشيــن ×× يلبس اثياب الشيانه

يغدر ويفقــع بشَن .... عنــد كل عادل وشان

  ضاع حبرك يالتريمي بين أوراق الزمان

××××××

وين جلسات الحنين ×× ضاع من صدره حنانه

ليت قلبه يــــوم حَن .... منتظــــــر منه   حنان

  ضاع حبرك يالتريمي بين أوراق الزمان

××××××

قلت يمكن با يليْــن ×× بالـــــرواقـه والليانه

قالّــــي كـــــلا ولَن ... مارحــم قلبي ولان

  ضاع حبرك يالتريمي بين أوراق الزمان

××××××

قد تـــــــرك قلبي حزين ×× ينظر العالم حزانه

صرت عبرة للحزَن .... واحرقت قلبــي الحزان

  ضاع حبرك يالتريمي بين أوراق الزمان

××××××

لو بكتلي كل عيـْن ×× بكره با تبكي عيانه

لي تقلبلي عيــَن ××والزمن شاهد عيان

  ضاع حبرك يالتريمي بين أوراق الزمان

××××××

بكرة لابد   با يبين ×× حب ثابت في بيانه

عالقواعد والبيــَن ×× كالقمر في الأفق بان

  ضاع حبرك يالتريمي بين أوراق الزمان

××××××

عاد نا ساسي مكيْــن ×× ما تزعزع من مكانه

فالزمــــــن هذا إمتكَن ....رغم حس ماله مكان

  ضاع حبرك يالتريمي بين أوراق الزمان