رساله من الشيماء ***** من قلب الجنه انا بكتب لك أول جواباتى وحشنى يا بابا أنت وماما وحشنى أخواتى ووحشنى الفصل ومدرستى والشارع والبيت والحاره وحشنى جيرانى وأصحابى وعروستى اللعبه وكتباتى طمنى يا بابا عن حالك بقى زى زمان أما عن حالى أنا مبسوطه فى جنه رضوان والكل يا بابا حبونى وبقيت م الحور وانا قلت أكتب لك بمناسبة شهر القرأن ومنايا يا بابا أنت وماما فى يوم العيد تروح على قبرى وتدعيلى وبلبس جديد وتقول شيماء مامتتشى دى شهيده يا ناس ومنايا يا بابا تكن زى . . وتجيلى شهيد . *****