بلا عنوان **** لو سمحتم تسمحولى إنى أحكى لكم حكايه حكايتى أنا مش أنا دى حكايه بدأت من هنا فى ندوه كانت زى دى .. فيها الأديب له كلمته كان الولد بطل الحكايه لسه فى أول خطوته كاتب قصيده مدغدغه عايز يقول إيه فكرته لما طلع فوق المنصه لجل ما يقول كلمته طلع له شاعر م الكبار قاصد ياخلق يسكته نزل الولد من ع المنصه على خده تصرخ دمعته مزع قصيدته وداس عليها وتاه . ف أول سكته والشعرا تتريق عليه الشعر ناقص بلوته يا اللى أنت شاعر أو أديب شاعر وليد ليه تموته إيدك بأيده .. علمه أحسن ماتيجى تسكته . ليه تسكته .. ليه تسكته . *******
