عيد الروتين **** على مين ياخلق أجيب اللوم بعد حصولى على الدبلوم قاعد عاطل . . كلى هموم ع الشغل بدور يوم ورا يوم أروح لموظف أدفع له . . وأروح لغيره وأركع له . . واقدم ورقى وأسمع له أروح الاقيه قاعد منفوش يعوج ويعدل . . ف الطربوش يأمر وينهى ولا يهموش عبد الروتين حوش حلق حوش فضلت ف الدوخه يوماتى أبوس أيديه . . وأهديه سلاماتى أروح لمين أشكى مأساتى كأنى يا ناس مع نفسى بهاتى أقول سعادة البيه يا أمير أبويا غلبان وأخواتى كثير رد على وقال يا فقير سيبهم ليهم . . رب كبير دلونى ياخلق راح أعمل إيه ومفيش ف جيبى حتى جنيه طالب كوسه سعادة البيه مع إنه . . دندن أسم الله أسم الله عليه . . ******