مخ النمله

***

لو جببت المخ بتاع النمله وقسمته اتنين

من غير ماتبص شمال ويمين

وفشفت النني الموجوده ف دوران العين

ركز تركيز المتلهف علي لقمه عيش

وبجفت جراحه المخ المتشال من راس النمله

وبمشرط مسنون من حجر الجلي

أقسم بيني وبينك قسمه حق

ونشيل المخ المتركب للبني أدمين

ومكانه نحط النص المبطور

من مخ النمله

المتبرمج علي انه

يحل قضيه بقالها سنين

أحتار في الحل بتاعها المخ البشري

وسياسه كل الشياطين

أصل المخ بتاع النمله

ماهوش شهواني

أو عداوني أو طماع طمعان ف وسيه

أو ترقيه

مخ النمله ياصاحبي بسيط

بس يحل

أجعصها قضيه .

 

*****