نجمة بحر البقر بابا . . يا بابا حلمت إمبارح إنى يا بابا . . وأنا فى مدرستى الأستاذ . طبطب على كتفى ورسم النجمه فوق كراستى وقالى شاطره برافو عليكى تستهلى الدرجه النهائيه يحرسك المولى يخليكى وتبيقى معيده ف الكليه أتمنيت إنى أنام وأصحى وأطلع بدرى أروح مدرستى وأسمع رنه جرس الفسحه والعب ويا أوراق كراستى شفت ف حلمى طياره طايره لمحت عليها النجمه بتاعتى قلبى ساعتها رقص م الفرحه لقيت لون كرستى بلون الدم الطياره حدفت ديناميت لجل ماتحرق قلب الأم ساعتها يا بابا كرهت النجمه لما لقيت مدرستى دمار راجت البسمه من شفايفنا ماتوا قدامى كبار وصغار لأمش حلم يا بابا حقيقه وأدى مريلتى شاهده عليه روح مدرستى بحر الدم روح حتلاقى مرار وأسيه نقسى يا بابا وسود عشته لجل ماترجع لينا البسمه . .
