عقرب يا صغيور ... جوه طبق بنور
عارف امتى تلف ... و عارف امتى تدور
قلبى معاك مربوط ... نبضه عليك مظبوط
حتى ف ماتش الكوره ... مين بعدك حيشوط
وقت ما اكون عايزاك ... أجرى و الف معاك
تمشى تماللى لوحدك ... و الناس تستناك
عقرب يا صغيور
وقت الفجر ترن ... دن دن دن دن
نتوضا و نصلى ... لا بنأذى و لا نمن
بيك اضبط مواعيدى ... بيك تتزين إيدى
و أرتب ف دروسى ... و أفرح بيك يوم عيدى
عقرب يا صغيور
جرس الفسحه كمان ... يستناك علشان
لما ييجى ميعاده ... نخرج للبستان
ناكل حبه و نلعب ... لكن فبل ما نتعب
يرجع تانى يـرن ... دن دن دن دن
عقرب يا صغيور