صدُق أو لا تصدُق
كل ما تباعدت المسافه بين الرغيف والجوع
تلقي الفرح أصدق
صدُق أو لا تصدُق
لامن غدت كل المشاكل جوع الصغار وسقفٰ يداريهم قبل يصحي النهار
تلقي الشعور أعمق
صدُق أو لا تصدُق
كل ما انقفل درب انفتحت أبواب
صدُق أو لا تصدُق
لو فيه احد طيُب .. للطيبه أسباب
صدُق أو لا تصدُق
قليل من يعفي ويسامح .. كثير وده ينتقم
بس ينتظرله وقت سانح
صدُق أو لا تصدُق
القناعه كنز يفني
ولو كل من ياخذ قنع .. وكل من ياكل شبع
كان الفرح غطي شوارعنا
صدُق أو لا تصدُق
كل النهايات البدايه .. وأحلي البدايات النهايه
وكلنا رغم القساوه الظاهره .. نبكي قدُام المرايه
صدُق أو لا تصدُق
به مطوُل لحيته .. والثوب يلمس ركبته
وما قرا في الشهر أيه
صدُق .. ان الشعر صدقه .. اعذبه
ودي احكيلك حكايه وقبلها ابغي لسؤالي اجوبه
المال هذا هو وسيله والا غايه ¿!
لو ماهو غايه .. ليه الحروب ¿ .. ليه السلام اللي تمناه الشعوب ¿
ليه الحسد يملي القلوب ¿
وليه الفقير المٓعدم الكادح .. بهجته تملي الملاح
لامن لقي ذاك الثري يعطي هاذيك المطربه مليون
وهذا الثري لامن سري من حفلته .. وقفت سيارته عند الإشاره
وجاه شايب يطلبه .. الهم عاثي في وقاره
دق بى اصابع مٓتعبه .. علي الشبُاك
قال : انا يا سدي مديون .. وانت الكريم
يحكون عنك في الجرايد .. وتقال في جودك قصايد
ويٓقال انك للأرامل واليتامي عون
ما ابغي منك الا حاجه .. لبس الشتا لجل العيال
الله يسدد لك خطاك .. اعطني مما عطاك
واعتدل راعي الملايين الكثير في جلسته
وعقد حجاجه ثم قال :
ألا ما اثقلك واغباك .. ليه يا اخي ما تشتغل
انت كسول .. ومستغل
وطلُع من المحفظه فكُه .. رماها وقفل الشبُاك
ابغي لسؤالي اجوبه ...
ليه البر والتقوي .. مليان في جرايدنا ¿!
وليه هموم هالشارع ¿! .. بعيده عن قصايدنا ¿!
ليه الفساد .. ليه الكساد ¿!
وليه الحروب ¿! .. وليه الحسد مالي القلوب ¿!
وشهو الجواب ¿!
اتمني انه مايكون المال هذا هو وسيله ماهو غايه
هذي الكلمه النبيله .. اخترعها أغنيا
لجل مسكين ٰ شقي .. يرضي بقليله
وصدُق انت او لا تصدُق
ماني الشخص المثالي .. كل مافي الأمر اني شاعر ٰ ماهو يبالي
كان صار اللي اقوله علقم ٰ او صار حالي
كل مافي الأمر اني استريح .. لا مشابي مركبي عكس اتجاه الريح
وما ابرُي من الخطي نفسي ..
واللي اجاهربه مثل همسي
صدُق اني ماني الشخص المثالي
كل مافي الأمر اني اجمع احساس الحواري وسط صدري
وانقل الواقع لشعري
كل مافي الامر اني شاعر ٰ مطرود من جنه خيالي
صدُق اني ما قصدت اني اكون
صوت للي مايبون
صدُق اني ماني الشخص المثالي
والا تدري لا تصدُق
